ఏపీలో వరద బాధితులకు వెల్లువెత్తుతున్న విరాళాలు.. ఈ రోజు అత్యధిక మొత్తం రూ. 10 కోట్లు

ఏపీలో వరద బాధితుల కోసం విరాళాలు వెల్లువెత్తుతున్నాయి. ప్రముఖులు, వ్యాపార సంస్థల నుంచే కాకుండా ప్రభుత్వ ఉద్యోగులు, సామాన్య ప్రజానీకం కూడా వరద బాధితులకు అండగా ఉండేందుకు ముందుకు వస్తున్నారు. ఈ క్రమంలోనే సీఎం సహాయనిధికి విరాళాలు వెల్లువలా వస్తున్నాయి. తాజాగా బుధవారం ఆంధ్రప్రదేశ్ విద్యుత్ ఇంజినీర్ల అసోసియేషన్, విద్యుత్ ఉద్యోగుల జేఏసీ కలిసి సుమారుగా పదికోట్ల రూపాయలను విరాళంగా అందించాయి. చంద్రబాబును కలిసిన ఉద్యోగ సంఘాల నేతలు విరాళం తాలుకూ చెక్ అందించారు.