ఏపీలో వారందరికీ శుభవార్త..10 వేల నుంచి 20 వేలకు పెంపు.. ఉత్తర్వులు జారీ..

ఏపీ ప్రభుత్వం కీలక నిర్ణయం తీసుకుంది. వరదల్లో దెబ్బతిన్న ఆటోలకు పరిహారం పెంచాలని నిర్ణయించింది. గతేడాది ఆగస్టు, సెప్టెంబర్ నెలల్లో ఏపీలో వరదలు వచ్చిన సంగతి తెలిసిందే. ముఖ్యంగా విజయవాడ ప్రాంత వాసులను బుడమేరు భయపెట్టింది. ఈ వరదల్లో పదుల సంఖ్యలో చనిపోయారు. భారీగా ఆస్తి నష్టం సంభవించింది. ఈ నేపథ్యంలో వరద బాధితుల కోసం అప్పట్లో ప్రభుత్వం పరిహారం ప్యాకేజీ ప్రకటించింది. ఆ మేరకు వరద సాయం పంపిణీ చేసింది. ఈ క్రమంలోనే దెబ్బతిన్న ఆటోలకు రూ.10000 చొప్పున పరిహారం అందించగా.. ఆ మొత్తాన్ని రూ.20 వేలకు పెంచుతూ రెవెన్యూ శాఖ ఉత్తర్వులు జారీ చేసింది.