ఏపీలో వారికి శుభవార్త.. ఉచితంగా పంపిణీ.. నాలుగు కేజీల వరకూ..

ఏపీ ప్రభుత్వం అపరాల సాగును ప్రోత్సహిస్తోంది. ఇందులో భాగంగా మినుము పంట సాగు విస్తీర్ణాన్ని పెంచేందుకు విత్తనాలను ఉచితంగా అందించాలని నిర్ణయించింది. మినుము విత్తనాల కిట్లను రైతులకు ఉచితంగా అందించనున్నారు. ఒక్కో కిట్‌లోనూ 4 కేజీల వరకూ మినుముల విత్తనాలు ఉంటాయి. గత కొన్నేళ్లుగా మినుము పంటను సాగు చేయడం తగ్గుతూ వస్తోంది. దీంతో మార్కెట్లో మినప్పప్పు ధరలు కూడా పెరుగుతున్నాయి. ఈ విషయాన్ని దృష్టిలో పెట్టుకుని మినుము సాగును ప్రోత్సహించేందుకు ప్రభుత్వం ఈ నిర్ణయం తీసుకుంది.