ఏపీలో స్క్రబ్ టైఫస్ కలవరం.. వైద్య, కుటుంబ సంక్షేమ శాఖ కీలక ప్రకటన.. ఎన్ని కేసులు నమోదయ్యాయంటే?

ఆంధ్రప్రదేశ్ రాష్ట్రాన్ని స్క్రబ్ టైఫస్ వ్యాధి కలవరపెడుతోంది. పలు జిల్లాలో కేసులు నమోదవుతున్నాయి. ఇప్పటి వరకూ రాష్ట్రంలో 1566 కేసులు నమోదైనట్లు ఏపీ వైద్య, కుటుంబ సంక్షేమ శాఖ వెల్లడించింది. అలాగే 9 అనుమానిత మరణాలు నమోదైనట్లు వెల్లడించింది. దీని గురించి ఆందోళన చెందాల్సిన అవసరం లేదని.. మొదట్లోనే గుర్తించి చికిత్స చేయించుకుంటే కోలుకోవచ్చని వెల్లడించింది. అనుమానిత మరణాల వెనుక ఉన్న కారణాలను విశ్లేషిస్తున్నట్లు వెల్లడించింది.