ఏపీలోని ఆ జిల్లాకు జాతీయ అవార్డు.. రాష్ట్రపతి చేతుల మీదుగా పురస్కారం

ఏపీలోని అల్లూరి జిల్లాకు కేంద్రం పురస్కారం లభించింది. ధర్తి ఆబా జనభాగీదారి అభియాన్ విజయవంతంగా అమలు చేసినందుకు అల్లూరి సీతారామరాజు జిల్లాకు అవార్డు దక్కింది. రాష్ట్రపతి చేతుల మీదుగా అల్లూరి సీతారామరాజు జిల్లా కలెక్టర్ ఈ అవార్డును స్వీకరించారు. ఈ నేపథ్యంలో ముఖ్యమంత్రి నారా చంద్రబాబు నాయుడు స్పందించారు. ఈ విషయంపై ఎక్స్ వేదికగా ట్వీట్ చేశారు. ఈ అవార్డు రావటం చాలా సంతోషంగా ఉందని సీఎం చంద్రబాబు హర్షం వ్యక్తం చేశారు. జిల్లా ప్రజలు, అధికారుల సమష్టి కృషికి ఇది నిదర్శమని కొనియాడారు.