ఏపీలోని ఆ జిల్లాకు సూపర్ న్యూస్.. ప్రపంచంలోనే రెండో అతిపెద్ద బెవరేజెస్ ప్లాంట్..

కర్నూలు జిల్లాకు మరో గుడ్ న్యూస్ అందింది. ప్రపంచంలోనే రెండో అతిపెద్ద బెవరేజెస్ ప్లాంట్ కర్నూలు జిల్లాలో ఏర్పాటు కానుంది. కర్నూలు జిల్లా బ్రాహ్మణపల్లి వద్ద రిలయన్స్ కంజ్యూమర్స్ ప్రొడక్ట్స్ లిమిటెడ్ బెవరేజెస్ ప్లాంట్ ఏర్పాటు చేయనున్న సంగతి తెలిసిందే. ఈ ప్లాంట్‌కు సీఎం చంద్రబాబు చేతుల మీదుగా వర్చువల్‍గా శంకుస్థాపన జరిగింది. ఈ కార్యక్రమంలో పాల్గొన్న మంత్రి టీజీ భరత్ ప్రపంచంలోనే రెండో అతిపెద్ద బెవరేజెస్ ప్లాంట్‌ను కర్నూలుకు తీసుకువచ్చామన్నారు. ఈ ప్లాంట్ ద్వారా 5 వేల మందికి ఉద్యోగ, ఉపాధి అవకాశాలు లభిస్తాయన్నారు.