ఏపీలోని రైతులకు శుభవార్త.. ప్రభుత్వం కీలక నిర్ణయం.. 35 శాతం సబ్సిడీ

ఆంధ్రప్రదేశ్ రైతులకు ప్రభుత్వం తీపికబురు వినిపించింది. రైతులు, రైతు ఉత్పత్తిదారుల సంఘాలకు 35 శాతం రాయితీతో గోడౌన్లను అద్దెకు ఇవ్వాలని నిర్ణయించింది. సచివాలయంలో మంత్రి కింజరాపు అచ్చెన్నాయుడు సోమవారం సమీక్ష నిర్వహించారు. ఈ సందర్భంగా గోడౌన్ల అద్దెలో రైతులకు 35 శాతం రాయితీ ఇవ్వాలని ఆదేశించారు. అలాగే నాణ్యమైన విత్తనాలు, ఎరువులు ఇచ్చేలా చర్యలు తీసుకోవాలన్నారు. ఖరీఫ్, రబీ సీజన్ ముందు ఏ జిల్లాలో ఏ పంటలు సాగుచేస్తారు.. విత్తనాలు, ఎరువులు ఎంత మేరకు అవసరమవుతాయనే దానిపై ప్రభుత్వానికి నివేదికలు అందించాలని స్పష్టం చేశారు.