ఓరి నాయనో.. ఆ ప్రముఖ బ్రాండ్ అల్లం వెల్లుల్లి పేస్ట్ కల్తీనా..? మీరూ అదే వాడుతున్నారా..?

హైదరాబాద్‌లో ఫుడ్ సేఫ్టీ అధికారులు కల్తీరాయుళ్ల మీద కొరఢా ఝళిపిస్తున్నా.. ఏమాత్రం కల్తీ దందా ఆగట్లేదు. రోజుకో దగ్గర కల్తీ భాగోతం బయటపడుతూనే ఉంది. ఇటీవలే రామాంతపూర్‌లో ఏకంగా 12 క్వింటాళ్ల కల్తీ అల్లం వెల్లుల్లి పేస్ట్ పట్టుబడటం సంచలనంగా మారగా.. అది మర్చిపోకముందే.. ఇప్పుడు లంగర్ హౌస్‌లో 835 కిలోల కల్తీ అల్లం వెల్లుల్లి పేస్ట్‌ను అధికారులు సీజ్ చేశారు. అయితే.. హైదరాబాద్‌లోని చాలా కిరాణా దుకాణాల్లో కనిపించే ఈ బ్రాండ్ కల్తీదని తెలియటంతో ప్రజలు ఆందోళన చెందుతున్నారు.