కరీంనగర్ పోలీస్ కమిషన‌ర్‌పై ఎమ్మెల్యే ఒత్తిడి.. సెలవుపై వెళ్లిన సీపీ.. అలా చేసినందుకేనా?

కరీంనగర్ పోలీస్ కమిషనర్ గౌస్ ఆలం సెలవుపై వెళ్లడంపై తీవ్ర చర్చ జరుగుతోంది. ఆయన రాజకీయ ఒత్తిళ్ల కారణంగానే సెలవుపై వెళ్లారనే ప్రచారం జరుగుతోంది. ఓ ఎస్సైపై వచ్చిన ఫిర్యాదులపై చర్యలు తీసుకోవడంతో.. ఆయనకు ఓ ఎమ్మెల్యే నుంచి ఒత్తిడి వచ్చిందని సమాచారం. అనంతరం సీపీ గౌస్ ఆలం సదరు ఎస్సైని సస్పెండ్ చేశారు. ఆ తర్వాత కూడా ఒత్తిడి రావడంతో.. కరీంనగర్ సీపీ మనస్తాపానికి గురైనట్లు తెలుస్తోంది. అయితే ఆయన విధుల్లోకి ఎప్పుడు చేరుతారు? ఆయనపై వేటు పడుతుందా? అనే విషయాలపై ఉత్కంఠ నెలకొంది.