కల్యాణ లక్ష్మి కోసం.. 2023లో చనిపోయిన వ్యక్తికి 2024లో పెళ్లి.. ఇలా కూడా ఇస్తారా..!

భద్రాద్రి కొత్తగూడెం జిల్లా బూర్గంపాడు సబ్ రిజిస్ట్రార్ కార్యాలయం, మణుగూరు రెవెన్యూ విభాగంలో కల్యాణ లక్ష్మి పథకం అమలులో భారీ అక్రమాలకు తెరలేపారు. 2023లో ఆత్మహత్య చేసుకుని మరణించిన ఓ యువకుడిని ఏడాది తర్వాత బతికించి.. 2024లో అతనికి వివాహం జరిగినట్లు దొంగ ధ్రువీకరణ పత్రాలు సృష్టించారు. ఎలాంటి తనిఖీలు లేకుండానే రెవెన్యూ అధికారులు ఈ నకిలీ పత్రాల ఆధారంగా కల్యాణ లక్ష్మి లబ్ధి చేకూరుస్తూ చెక్కులు పంపిణీ చేశారు. ఈ వివాదాస్పద వ్యవహారంపై స్థానికులు ఉన్నతాధికారుల విచారణను కోరుతున్నారు.