కవిత ఎప్పుడూ ఆ పని చేయదు.. కేటీఆర్‌‌కు ప్రమోషన్ ఖాయమనిపిస్తోంది: మల్లారెడ్డి

కవిత కొత్త పార్టీ పెట్టనున్నారనే ఊహాగానాల నేపథ్యంలో బీఆర్ఎస్ ఎమ్మెల్యే, మాజీ మంత్రి చామకూర మల్లారెడ్డి ఆసక్తికర వ్యాఖ్యలు చేశారు. ఓ యూట్యూబ్ ఛానెల్‌కు ఇచ్చిన ఇంటర్వ్యూలో మల్లారెడ్డి మాట్లాడుతూ.. కవిత కొత్త పార్టీ పెట్టదని, ఆమె ఎట్టి పరిస్థితుల్లోనూ తండ్రి కేసీఆర్ మాట జవదాటదని స్పష్టం చేశారు. ఊరికే రూమర్స్ తీసుకురావొద్దని మీడియాను ఉద్దేశించి వ్యాఖ్యనించారు. అదే సమయంలో కేటీఆర్‌కు బీఆర్ఎస్ ప్రెసిడెంట్ పదవి వచ్చే అవకాశాలున్నాయని అన్నారు. మల్లారెడ్డి చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.