కాపురంలో చిచ్చుపెట్టిన రీల్స్‌ చిన్నది.. పాపం డాక్టర్..

వరంగల్‌లో రీల్స్‌ రూపంలో పుట్టిన ఓ ప్రేమ కథ పండంటి కాపురంలో చిచ్చు రేపింది. భర్త పరాయి యువతితో సాగించిన ప్రేమాయణం తట్టుకోలేక, డాక్టర్ ప్రత్యూష (డెంటిస్ట్) ఆత్మహత్యకు పాల్పడ్డారు. హసన్‌పర్తిలోని తన ఇంట్లో ఉరి వేసుకుని ఆమె బలవన్మరణానికి పాల్పడగా, పోలీసులు కేసు నమోదు చేసి దర్యాప్తు చేస్తున్నారు. పోలీసులు భర్త సృజన్‌ను (కార్డియాలజీ డాక్టర్) అదుపులోకి తీసుకున్నారు. ఇన్‌స్టాగ్రామ్‌లో రీల్స్ ద్వారా పరిచయమైన ఓ సోషల్ మీడియా ఇన్‌ఫ్లుయెన్సర్‌తో సృజన్‌ ప్రేమ వ్యవహారమే ప్రత్యూష మరణానికి కారణమని పోలీసులు అనుమానిస్తున్నారు. ఈ సంబంధం గురించి తెలిసిన ప్రత్యూష భర్తను నిలదీయగా, తరచు గొడవలు జరిగేవని కుటుంబ సభ్యులు తెలిపారు. సృజన్‌లో మార్పు రాకపోవడంతోనే ప్రత్యూష ఈ ఘాతుకానికి పాల్పడిందని, ఆమె మరణానికి కారణమైన సృజన్‌, ఆ యువతిని కఠినంగా శిక్షించాలని తల్లిదండ్రులు డిమాండ్ చేస్తున్నారు.