కీలక నిర్ణయం తీసుకున్న ప్రభుత్వం.. రేపు వారికి ఉద్యోగ నియామక పత్రాలు అందజేత..

యాదాద్రి థర్మల్ ప్లాంట్ నిర్మాణం కోసం భూములిచ్చిన 320 మందికి తెలంగాణ ప్రభుత్వం ఉద్యోగాలు కల్పిస్తోంది. డిప్యూటీ సీఎం భట్టి విక్రమార్క వీరికి తెలంగాణ జెన్కోలో నియామక పత్రాలు అందజేయనున్నారు. ఈ ప్రాజెక్టు రాష్ట్రానికి విద్యుత్ ఉత్పత్తిని పెంచడంతోపాటు.. నిర్వాసితులకు ఉపాధి కల్పించి వారి జీవితాలకు ఆర్థిక భద్రత కల్పిస్తుంది. రాజీవ్ యువ వికాసం వంటి పథకాలతో ప్రభుత్వం నిరుద్యోగ యువతకు నైపుణ్య శిక్షణ, ఉద్యోగ అవకాశాలు కల్పిస్తూ వారి భవిష్యత్తుకు భరోసా ఇస్తోంది.