కీలక నిర్ణయం తీసుకున్న బీసీ కమిషన్.. ఆ 50 కులాలు సంచార జాతులుగా గుర్తింపు..

తెలంగాణ వెనుకబడిన తరగతుల కమిషన్ రాష్ట్రంలోని 50 కులాలను సంచార జాతులుగా గుర్తిస్తూ చేసిన సిఫార్సుల నివేదికను ఆమోదించింది. కేంద్ర ప్రభుత్వ సీడ్ (SEED) పథకం ద్వారా ఆర్థిక లబ్ధి పొందేందుకు వీలుగా.. సంచార వర్గాలకు డి.ఎన్.టి (DNT) సర్టిఫికెట్లను తహశీల్దార్ కాకుండా నేరుగా ఆర్.డి.ఓ ద్వారా జారీ చేయాలని కమిషన్ చైర్మన్ జి. నిరంజన్ ప్రభుత్వానికి సూచించారు. అలాగే, రాష్ట్ర ప్రభుత్వ శాఖల్లోని అవుట్‌సోర్సింగ్, కాంట్రాక్టు ఉద్యోగుల వివరాలను సేకరించి, ఉపాధి రంగంలో బీసీల ప్రాతినిధ్యాన్ని అంచనా వేస్తున్నారు. ఆర్థిక శాఖ మినహా మిగిలిన అన్ని విభాగాల నుండి డేటా అందిందని, దీని ఆధారంగా బీసీల సామాజిక-ఆర్థిక స్థితిగతులపై సమగ్ర నివేదికను ప్రభుత్వం ముందుంచనున్నారు.