కుడా ఛైర్మన్ ప్రమాణస్వీకారంలో అపశ్రుతి.. నేతలకు తప్పిన ప్రమాదం.. అదే కారణమా!

Stage Collapse in KUDA Chairman Swearing Ceremony: కుడా ఛైర్మన్‌ తుమ్మల బాబు ప్రమాణ స్వీకారోత్సవంలో అపశ్రుతి చోటు చేసుకుంది. ప్రమాణ స్వీకారోత్సవం సందర్భంగా ఏర్పాటు చేసిన వేదిక ఒక్కసారిగా కుప్పకూలిపోయింది. పరిమితికి మించి స్టేజ్‌పైకి ఎక్కడంతో వేదిక కుప్పకూలిపోయింది. దీంతో వేదిక మీద ఉన్న కూటమి నేతలు యనమల రామకృష్ణుడు, నిమ్మకాయల చినరాజప్ప, పంతం నానాజీ, హరిప్రసాద్ కింద పడిపోయారు. అయితే ఎవరికీ ఎలాంటి గాయాలు కాకపోవటంతో అందరూ ఊపిరి పీల్చుకున్నారు. కాసేపటి తర్వాత ప్రమాణ స్వీకారాన్ని యధావిధిగా కొనసాగించారు.