కూటమి నేతల మధ్య బూడిద పంచాయితీ.. ఏకంగా చంద్రబాబే రంగంలోకి.. అసలేంటీ వివాదం?

రాయలసీమ థర్మల్ పవర్‌ప్లాంట్ ఫ్లైయాష్ వివాదం.. సీఎం వరకూ వెళ్లింది. ఫ్లైయాష్ కోసం తాడిపత్రి మాజీ ఎమ్మెల్యే ప్రభాకర్ రెడ్డి అనుచరులు, జమ్మమమడుగు ఎమ్మెల్యే ఆదినారాయణరెడ్డి వర్గీయులు పోటీపడుతున్నారు. ఈ విషయంలో రెండు వర్గాల మధ్య వివాదం నడుస్తోంది. ఈ వివాదం కాస్తా ఆర్టీపీపీ వద్ద పోలీసులు బలగాలను మోహరించే వరకూ వెళ్లింది. దీంతో ఈ వ్యవహారంపై సీఎం నారా చంద్రబాబు నాయుడు ఆరా తీశారు. ప్రభుత్వానికి చెడ్డపేరు తెచ్చేలా వ్యవహరిస్తే ఊరుకునేది లేదంటూ ఇద్దరు నేతలను హెచ్చరించినట్లు తెలిసింది.