కేటీఆర్ పీఏ, పీఆర్వోలను విచారణలో ఊహించని ట్విస్ట్.. అసెంబ్లీ ఘటనపై సీన్ రీకన్‌స్ట్రక్షన్!

తెలంగాణ అసెంబ్లీ సమావేశాల ప్రారంభం రోజున చట్టసభ వద్ద పోలీసులు, బీఆర్ఎస్ ఎమ్మెల్యేలు, ఎమ్మెల్సీల మధ్య తోపులాట జరిగిన విషయం తెలిసిందే. మూడో నెంబరు గేటు వద్ద జరిగిన ఈ ఘటనపై ఓ మహిళా కానిస్టేబుల్ ఫిర్యాదు చేశారు. విధుల్లో ఉన్న తమ పట్ల అనుచితంగా ప్రవర్తించారని, దూషణలు, బెదిరింపులకు పాల్పడ్డారని ఆరోపించారు. ఆమె ఇచ్చిన ఫిర్యాదు మేరకు ఈ కేసు నమోదైంది. అయితే, శాసనసభ ఎదుట ఈ ఘటన ఎలా జరిగిందనే కోణంలో సిట్ కూపీ లాగుతుంది. ఇందుకోసం కేటీఆర్ పీఏ, పీఆర్వోలను పోలీసులు విచారణకు పిలిచారు.