కేసీఆర్‌కు సీఎం రేవంత్ రిక్వెస్ట్.. బీఆర్ఎస్ అధినేత ఏం చేస్తారు?

ఇందిరమ్మ ఇండ్ల పథకానికి సంబంధించి తెలంగాణ ప్రభుత్వం యాప్‌ను తీసుకొచ్చింది. ముఖ్యమంత్రి ఎనుముల రేవంత్ రెడ్డి.. ఈ యాాప్‌ను గురువారం సచివాలయంలో ఆవిష్కరించారు. ఈ సందర్భంగా ఆయన మాట్లాడుతూ.. తమ ప్రభుత్వం పేదలకు ఇళ్లపై హక్కు కల్పించిందని అన్నారు. కేంద్రం నుంచి మరిన్ని నిధులు తీసుకొచ్చి పేదలకు ఇళ్లు కట్టిస్తామని తెలిపారు.. కేసీఆర్‌ రద్దు చేసిన హౌసింగ్‌ బోర్డును పునరుద్దరిస్తామని, బీఆర్‌ఎస్‌ ప్రాధాన్యత వారి సొంత భవనాలు, పార్టీ కార్యాలయాలేని ఆరోపించారు. బీఆర్‌ఎస్‌ పాలనలో బస్తీ బస్తీలో బెల్టు షాపులు ఉండేవని దుయ్యబట్టారు.. రూ.16వేల కోట్ల మిగులు బడ్జెట్‌తో తెలంగాణ ఏర్పడితే ఇప్పుడు పరిస్థితేంటి? బీఆర్‌ఎస్‌ పాలనలో వేల ఎకరాలు అప్పనంగా అమ్మేశారని ధ్వజమెత్తారు. ఉపన్యాసాలు అద్బుతంగా ఇచ్చారు తప్ప ఇళ్లను ఇవ్వలేదని కౌంటర్ ఇచ్చారు. ప్రతిపక్షాలు మాకు సహకరించి,సూచనలు చేయాలని కోరారు. ఇదే సమయంలో కేసీఆర్‌ మీ పెద్దరికాన్ని నిలబెట్టుకోండి అని కోరారు. మాకు సూచనలు ఇచ్చి, మీ చతురత చూపించి రాష్ట్ర ప్రభుత్వాన్ని ఇరుకున పెట్టండి అంటూ సీఎం వ్యాఖ్యానించారు.