కొంగరకలాన్‌లో కోట్ల విలువైన అటవీ భూముల డీనోటిఫై.. హైకోర్టు సంచలన ఆదేశాలు!

అటవీ భూమిని డీనోటిఫై చేసి.. వాటిని ప్రయివేట్ వ్యక్తులకు అప్పగిస్తూ ఐదేళ్ల కిందట రంగారెడ్డి జిల్లా కలెక్టర్ ఉత్తర్వులను జారీచేశారు. కోట్లాది రూపాయలు విలువైన మొత్తం 72 ఎకరాలను నలుగురు వ్యక్తులకు పట్టాలు ఇవ్వడానికి సిద్ధమయ్యారు. దీంతో ఓ వ్యక్తి తెలంగాణ హైకోర్టును ఆశ్రయించి.. దీనిని అడ్డుకోవాలని కోరారు. తాజాగా, ఈ అంశంపై విచారణ చేపట్టిన కోర్టు.. డీనోటిఫై చేసి పట్టాలు మంజూరు చేయడంపై విస్తువోయింది. అటవీ భూమిని డీనోటిఫై చేసే అధికారం కలెక్టర్‌కు ఉందా? అని ప్రశ్నించింది.