కోటి రూపాయల కోడి పందెం.. రత్తయ్య రసంగికి షాక్.. నెమలి పుంజు హవా..

సంక్రాంతి పండుగ సందర్భంగా ఏపీలో భారీగా కోడిపందేలు జరిగాయి. కోట్లల్లో చేతులు మారాయి. భోగి పండుగ నాటి నుంచి బరుల వద్ద కోడిపందేలు జరుగుతున్నాయి. అయితే అన్నింటికంటే ఎక్కువగా ఆసక్తి రేకెత్తించింది మాత్రం పశ్చిమగోదావరి జిల్లా తాడేపల్లి గూడెంలో జరిగిన కోటి రూపాయల కోడిపందెం. తాడేపల్లిగూడెంలో ఈ కోటిరూపాయల పందెం జరగ్గా.. ఎక్కువ మంది ఊహించని రీతిలో గుడివాడ ప్రభాకర్ రావుకు చెందిన నెమలి పుంజు విజయం సాధించింది. కోడిపందేలలో ఫేమస్ అయిన రత్తయ్య రసంగి పుంజు ఓడిపోవటం గమనార్హం.