కోట్లు కురిపిస్తున్న పల్లె పాటలు.. జస్ట్ 2 లక్షలతో మేకింగ్, తెలంగాణ పాటలకు ఫుల్ డిమాండ్

యూట్యూబ్ రాకతో ప్రపంచమంతా తెలంగాణ జానపదం వినిపిస్తోంది. తెలంగాణ ఫోక్ సాంగ్స్ నేడు కోట్లాది మందిని ఆకట్టుకుంటున్నాయి. కళాకారులకు ఆదాయ వనరుగా, తెలంగాణ సంస్కృతికి చిహ్నాలుగా నిలుస్తున్నాయి. ఇది కళాకారులకు జాతీయ, అంతర్జాతీయ స్థాయిల్లో అవకాశాలు వచ్చేలా చేస్తోంది. దాదాపు రూ.2, 3 లక్షలతో చిత్రీకరించిన పాటలు.. కోట్ల రూపాయలు కురిపిస్తున్నాయి. ఇటీవల రాను బొంబాయికి రాను.. పాట యూట్యూబ్‌లో రికార్డు సృష్టించింది. 400 మిలియిన్ వ్యూస్‌ సొంతం చేసుకుని రూ.కోటి వరకు ఆదాయం తెచ్చిపెట్టినట్లు తెలుస్తోంది. ఈ క్రమంలో గత దశాబ్ద కాలంగా తెలంగాణలో జానపదాలు ఎలా వికసిస్తున్నాయో తెలుసుకుందాం.