గిగ్‌ వర్కర్లకు గుడ్‌న్యూస్.. సీఎం రేవంత్ కీలక ఆదేశాలు

తెలంగాణ ముఖ్యమంత్రి రేవంత్ రెడ్డి గిగ్ వర్కర్ల సంక్షేమంపై సమీక్ష నిర్వహించారు. రాహుల్ గాంధీ గత ఎన్నికల్లో ఇచ్చిన హామీల మేరకు, వారికి ప్రత్యేక సంక్షేమ నిధి, ప్రమాద, ఆరోగ్య బీమా కల్పించాలని ఆదేశించారు. మంత్రి వివేక్ వెంకటస్వామి సమక్షంలో జరిగిన ఈ సమావేశంలో.. గిగ్ వర్కర్ల కోసం ప్రత్యేక బోర్డు ఏర్పాటు చేసి, వారి డేటాను ఆన్‌లైన్ చేయాలని సూచించారు. ఈ చర్యలు గిగ్ కార్మికుల ఆర్థిక, సామాజిక భద్రతకు దోహదపడి, తెలంగాణను ఆదర్శంగా నిలుపుతాయని ప్రభుత్వం ఆశాభావం వ్యక్తం చేసింది.