గురుకుల విద్యార్థినికి అండగా సీఎం రేవంత్.. ప్రభుత్వ ఖర్చుతో కార్తీకకు వైద్యం

ములుగులోని సాంఘిక సంక్షేమ గురుకుల పాఠశాలలో 9వ తరగతి చదువుతున్న కార్తీక అనే విద్యార్థిని ప్రమాదవశాత్తు మూడో అంతస్తు నుంచి జారి పడగా.. నడుము భాగం తీవ్రంగా దెబ్బతింది. ఈ విషయం తెలిసిన సీఎం రేవంత్ రెడ్డి కార్తీకకు అండగా నిలిచారు. విద్యార్థినికి మెరుగైన వైద్యం అందించాలని నిమ్స్ ఆస్పత్రి వైద్యులకు ఆదేశాలు జారీ చేశారు. కార్తీక కోలుకునే వరకు ప్రభుత్వమే పూర్తి ఖర్చును భరిస్తుందని భరోసా ఇచ్చారు. కాగా.. కార్తీకకు ఆపరేషన్ నిర్వహించగా.. కోలుకుంటున్నట్టు వైద్యులు తెలిపారు.