చందానగర్‌లో ATM చోరీకి యత్నం.. ఈ దొంగ చేసిన పనికి నవ్వాగదు..!

కొందరు దొంగలు చేసే పనులు హాస్యాస్పదంగా ఉంటాయి. తాజాగా హైదరాబాద్‌లోని చందానగర్‌లో ఇలాంటి విచిత్ర చోరీ యత్నం జరిగింది. ఆదివారం అర్ధరాత్రి హెచ్‌డీఎఫ్‌సీ ఏటీఎంలోకి ప్రవేశించిన ఓ వ్యక్తి.. పదునైన ఆయుధాలతో మిషన్‌ను బద్దలు కొట్టేందుకు విఫలయత్నం చేశాడు. చెమటలు చిందించినా.. ప్రయోజనం లేకపోవడంతో అలసిపోయి అక్కడే నిద్రపోయాడు. సీసీటీవీ ఫుటేజ్ ద్వారా ముంబైలోని బ్యాంకు కేంద్ర కార్యాలయం అలర్ట్ చేయగా.. పోలీసులు హుటాహుటిన అక్కడకు చేరుకొని అతడ్ని అదుపులోకి తీసుకున్నారు.