చంద్రబాబు సూపర్ ఫాస్ట్ డెసిషన్.. స్పాట్‌లోనే పది ఎకరాలు..

ఆంధ్రప్రదేశ్ ముఖ్యమంత్రి నారా చంద్రబాబు నాయుడు మరో కీలక నిర్ణయం తీసుకున్నారు. మంగళగిరి ఎయిమ్స్ అభివృద్ధి కోసం మరో పది ఎకరాలు కేటాయించారు. మంగళగిరి ఎయిమ్స్ స్నాతకోత్సవం మంగళవారం జరిగింది. ఈ కార్యక్రమానికి రాష్ట్రపతి ద్రౌపది ముర్ము ముఖ్య అతిథిగా హాజరయ్యారు. ఈ కార్యక్రమంలో సీఎం చంద్రబాబు కూడా పాల్గొన్నారు. ఈ సందర్భంగా ఎయిమ్స్ డైరెక్టర్ మరో పది ఎకరాల భూమిని కేటాయించాలని సీఎంను కోరారు. దీంతో అక్కడిక్కడే పదెకరాలు కేటాయిస్తున్నట్లు చంద్రబాబు చెప్పారు.