చంద్రబాబును బాహుబలిలోని ఆ పాత్రతో పోల్చిన ప్రభాస్ పెద్దమ్మ.. నెట్టింట వైరల్

ఆంధ్రప్రదేశ్ ముఖ్యమంత్రి నారా చంద్రబాబు నాయుడుపై దివంగత కృష్ణంరాజు సతీమణి, ప్రభాస్ పెద్దమ్మ శ్యామలాదేవి ప్రశంసలు కురిపించారు. విజయవాడలో జరిగిన ఎన్టీఆర్ సినీ వజ్రోత్సవాల్లో శ్యామలాదేవి పాల్గొన్నారు. ఈ సందర్భంగా మాట్లాడిన ఆవిడ.. చంద్రబాబును బాహుబలితో పోల్చారు. మాహిష్మతి ఊపిరి తీసుకో బాహుబలి వచ్చేశాడు.. అదే మా చంద్రబాబు అంటూ శ్యామలాదేవి సీఎంను ప్రశంసించారు. ఈ వీడియో ఇప్పుడు నెట్టింట వైరల్ అవుతోంది.