చిన్నారులకు వైద్యంతో పాటుగా పౌష్టికాహారం.. ఏపీలో ఎన్‌ఆర్‌సీల ఏర్పాటు.. ఎక్కడెక్కడంటే?

చిన్నారుల ఆరోగ్యం, సంరక్షణను దృష్టిలో పెట్టుకుని ఏపీ ప్రభుత్వం మరో కీలకమైన నిర్ణయం తీసుకుంది. ఏపీలో పోషకాహార పునరావాస కేంద్రాలు (NRC) ఏర్పాటు చేయాలని నిర్ణయించింది. ఈ విషయాన్ని ఏపీ వైద్య ఆరోగ్య శాఖ మంత్రి సత్యకుమార్ యాదవ్ వెల్లడించారు. ప్రభుత్వ ఆస్పత్రులలో 15 పునరావాస కేంద్రాలు ఏర్పాటు చేయనున్నట్లు సత్యకుమార్ యాదవ్ వెల్లడించారు. ఐదేళ్లలోపు చిన్నారులకు వీటిలో వైద్యంతో పాటుగా పౌష్ఠికాహారం కూడా అందిస్తారని మంత్రి సత్యకుమార్ వివరించారు.