చేనేత కార్మికులకు శుభవార్త.. తమిళనాడుతో ఏపీ ఒప్పందం.. ఇకపై అక్కడ కూడా!

చేనేత వస్త్రాల విక్రయానికి సంబంధించి ఏపీ ప్రభుత్వం కీలక ఒప్పందం కుదుర్చుకుంది. తమిళనాడుకు చెందిన కో ఆప్టెక్స్ సంస్థతో ఏపీకి చెందిన ఆప్కో సంస్థ ఒప్పందం చేసుకుంది. ఈ ఒప్పందం ప్రకారం ఏపీ చేనేత వస్త్రాలను కో ఆప్టెక్స్ షోరూములతో పాటుగా తమిళనాడులోని ప్రముఖ వస్త్ర దుకాణాల్లో విక్రయిస్తారు. అలాగే కో ఆప్టెక్స్ వస్త్రాలను ఆప్కో షోరూములు, ఏపీలోని వస్త్ర దుకాణాల్లో అమ్మకాలకు ఉంచుతారు. ఈ ఒప్పందం ద్వారా చేనేత కార్మికులకు విస్తృతమైన మార్కెటింగ్ అవకాశాలు లభిస్తాయని అధికారులు చెప్తున్నారు.