జహీరాబాద్‌లో హ్యుందాయ్ భారీ పెట్టుబడి.. రూ.8,528 కోట్లతో 4,276 మందికి ఉద్యోగాలు.. సీఎం రేవంత్‌తో భేటీ

హ్యుందాయ్ మోటార్స్ ఇండియా జహీరాబాద్‌లో భారీ పెట్టుబడి పెట్టేందుకు రెడీ అయింది. రూ.8,528 కోట్లతో గ్లోబల్ ఆర్‌ అండ్‌ డీ కేంద్రాన్ని ఏర్పాటు చేయాలని ప్రణాళిక రూపొందించింది. ఈ ప్రాజెక్టు ద్వారా 4,276 మందికి ఉద్యోగాలు కల్పించాలని లక్ష్యంగా పెట్టుకుంది. ఈ క్రమంలోనే సంస్థ ప్రతినిధుల బృందం సీఎం రేవంత్ రెడ్డితో సమావేశమై ప్రాజెక్టు పురోగతిని వివరించింది. తెలంగాణలో కార్ల తయారీ పరిశ్రమను కూడా ఏర్పాటు చేయాలని కంపెనీని సీఎం రేవంత్ రెడ్డి ఆహ్వానించారు.