జూబ్లీహిల్స్‌లో బీఆర్ఎస్‌కు షాక్.. బరిలోకి టీఆర్ఎస్ పార్టీ..! గులాబీ దళానికి డ్యామేజ్ తప్పదా?

జూబ్లీహిల్స్ ఉప ఎన్నికలతో రాష్ట్ర రాజకీయాలు రసవత్తరంగా మారాయి. అయితే ఈ ఎన్నికల్లో ఓ విషయం బీఆర్ఎస్ పార్టీని కలవర పెడుతోంది. జూబ్లీహిల్స్‌లో టీఆర్ఎస్ పార్టీ అభ్యర్థిని ప్రకటించింది. తెలంగాణ రక్షణ సమితి- డెమోక్రటిక్ (టీఆర్‌ఎస్- డీ) అనే పార్టీ తన అభ్యర్థిని బరిలో దింపింది. పేరు, జెండా దాదాపు ఒకేలా ఉండటంతో.. బీఆర్ఎస్‌కు డ్యామేజ్ తప్పదా అనే ప్రశ్నలు ఉత్పన్నమవుతున్నాయి. ఇప్పటికే సిట్టింగ్ స్థానం దక్కించుకోవాలని ఈ ఎన్నికలను ప్రతిష్టాత్మకంగా తీసుకుంది బీఆర్ఎస్. అటు కాంగ్రెస్ కూడా గట్టి పోటీ ఇస్తుండటం.. ఇటు టీఆర్ఎస్ అంటూ కొత్త పార్టీ అభ్యర్థిని ప్రకటించడంతో బీఆర్ఎస్ శ్రేణుల్లో ఆందోళన నెలకొంది.