జెన్‌కో, ట్రాన్స్‌కో ఉద్యోగులకు ప్రభుత్వం కీలక ఆదేశాలు.. సమ్మె చేస్తే తిప్పలు తప్పవు..

తెలంగాణ సర్కార్ విద్యుత్ ఉద్యోగులకు కీలక ఆదేశాలు జారీ చేసింది. ట్రాన్స్‌కో, జెన్కో ఉద్యోగులు ఆరు నెలల పాటు సమ్మెలు చేయకుండా నిషేధం విధిస్తూ ఉత్తర్వులు జారీ చేసింది. నవంబర్ 10 నుంచి ఈ ఆదేశాలు అమల్లోకి వస్తాయని ఉన్నతాధికారులు తెలిపారు. ప్రజా ప్రయోజనాలను దృష్టిలో ఉంచుకొని తెలంగాణ ఎసెన్షియల్ సర్వీసెస్ మెయింటెనెన్స్ యాక్ట్, 1971 ప్రకారం ఈ నిర్ణయం తీసుకుంది. ఈ ఏడాది మే 10 నుంచి నవంబర్ 9 వరకు పవర్ కార్పొరేషన్లలో సమ్మెలపై తెలంగాణ ప్రభుత్వం నిషేధం విధించిందని విషయం తెలిసిందే.