టీటీడీ ఛైర్మన్‌గా మార్క్ చూపిస్తున్న బీఆర్ నాయుడు.. ప్రోటోకాల్ కూడా పక్కనపెట్టి మరీ!

టీటీడీ ఛైర్మన్ బీఆర్ నాయుడు పాలనలో తన మార్కు చూపిస్తున్నారు. తిరుమలలో వైకుంఠ ఏకాదశి పర్వదినం సందర్భంగా ప్రత్యేక ఏర్పాట్లు చేస్తున్నారు. ఈ ఏర్పాట్లను టీటీడీ ఛైర్మన్ బీఆర్ నాయుడు పరిశీలించారు. అనంతరం ప్రోటోకాల్ సైతం పక్కనపెట్టి మరీ సామాన్య భక్తుడిలా బీఆర్ నాయుడు తిరుమల శ్రీవారి ఆలయం వద్దకు వెళ్లారు. అక్కడ నాదనీరాజనం వద్ద కూర్చుని భక్తులతో ముచ్చటించారు. టీటీడీ ఏర్పాట్లపై భక్తుల నుంచి అభిప్రాయాలను అడిగి తెలుసుకున్నారు. అనంతరం బంగారు తిరుచ్చి వాహన సేవలో పాల్గొన్నారు.