డ్యాన్స్‌తో అదరగొట్టిన దువ్వాడ, దివ్వెల మాధురి జంట.. అబ్బో ఓ రేంజ్‌లో ఇరగదీశారు కదా

రెండు తెలుగు రాష్ట్రాల్లోనూ దువ్వాడ శ్రీనివాస్, దివ్వెల మాధురి జంట ఎంత ఫేమస్ అనే విషయం అందరికి తెలిసిందే. వీరిద్దరి ప్రేమ కథకు సోషల్ మీడియాలో ప్రత్యేకంగా ఫ్యాన్స్ ఉన్నారంటే అర్థం చేసుకోండి వీరేంత ఫేమసో. వీరిద్దరూ కలిసి ఇచ్చే ఇంటర్వ్యూలు అయితే చాలా పాపులర్ కూడా అయ్యాయి. అలాంటి జంట డ్యాన్స్ చేస్తే ఎలా ఉంటుంది. అది కూడా ఓ లవ్ సాంగ్‌కు.. తాజాగా అదే జరిగింది. వారి డ్యాన్స్ కు సంబంధించిన ఓ వీడియో తెగ వైరల్‌ అవుతోంది. ఇక అసలు విషయం ఏంటంటే.. దివ్వెల మాధురి పెద్ద కుమార్తె వాణి ఫంక్షన్ హైదరాబాద్‌లో అట్టహాసంగా జరిగింది. ఆదివారం జరిగిన ఈ ఫంక్షన్‌లో MLC దువ్వాడ శ్రీనివాస్, దివ్వెల మాధురి జంట తెగ సందడి చేసింది. స్టెప్పులతో ఈ జంట చేసిన స్టేజ్ పెర్ఫార్మెన్స్ అందరినీ ఆకట్టుకుంది. మిరిమిట్లు గొలిపే లైటింగ్, కలర్ ఫుల్ బ్యాక్ గ్రౌండ్, భారీ డెకరేషన్‌తో పెద్ద స్టేజ్‌నే ఏర్పాటు చేశారు. అందుకు తగ్గట్టు కాస్ట్లీ కాస్ట్యూమ్స్‌తో ఓల్డ్ సాంగ్స్‌కి తగ్గ స్టెప్స్ వేసి స్టేజ్‌ను షేక్ చేశారు దువ్వాడ, దివ్వెల జంట. దువ్వాడ, దివ్వెల జంట స్వస్థలం శ్రీకాకుళం జిల్లా అయినప్పటికీ వకుళ సిల్క్స్ పేరిట ఈ జంట హైదరాబాద్‌లో వస్త్ర వ్యాపార రంగంలోకి అడుగుపెట్టారు. దీంతో ఇటీవల ఎక్కువగా ఈ జంట హైదరాబాద్‌లోనే ఉంటుంది. ఈ నేపథ్యంలోనే మాధురి తన కుమార్తె ఆఫ్ శారీ ఫంక్షన్‌ను హైదరాబాద్‌లో జరిపించారు. ఈ వేడుకను శంషాబాద్ శివారులోని ఓ రిసార్ట్‌లో నిర్వహించినట్లు తెలుస్తోంది. ఇక దువ్వాడ శ్రీనివాస్ ఈ ఫంక్షన్‌లో అంతా తానై వ్యవహరించారు. ఈ ఫంక్షన్‌కి శ్రీకాకుళం జిల్లాకి చెందిన సెలెక్టెడ్ పర్సన్‌ని మాత్రమే ఆహ్వానించారు. హైదరాబాద్‌లోని పలువురు రియల్టర్లు, సినీ ఆర్టిస్టులు హాజరయ్యారు.