డ్రైవింగ్ లైసెన్స్ అంత ఈజీ కాదు.. తెలంగాణ రవాణా శాఖ సరికొత్త నిర్ణయం

తెలంగాణలో డ్రైవింగ్ లైసెన్స్ జారీ ప్రక్రియలో కీలక మార్పులు రానున్నాయి. ఇకపై లెర్నర్స్ లైసెన్స్ దరఖాస్తుకు ముందే 'ఆన్‌లైన్ రోడ్డు భద్రత పరీక్ష' తప్పనిసరి కానుంది. సుప్రీంకోర్టు ఆదేశాల మేరకు రవాణా శాఖ ఈ ప్రతిపాదనను సిద్ధం చేస్తోంది. మూడు గంటల పాటు సాగే ఆరు వీడియో మాడ్యూల్స్ శిక్షణ పూర్తి చేస్తేనే ఎల్‌ఎల్‌ఆర్ దరఖాస్తుకు అవకాశం ఉంటుంది. రోడ్డు ప్రమాదాలను అరికట్టి, డ్రైవర్లలో క్రమశిక్షణ పెంచడమే ఈ కొత్త మూడు దశల విధానం ప్రధాన ఉద్దేశమని అధికారులు చెబుతున్నారు.