డ్వాక్రా మహిళలకు దసరా కానుక వచ్చేసింది.. రూ.15 వేల చొప్పున..

తెలంగాణ రాష్ట్రంలోని పల్లెల్లో మహిళా సాధికారతను ప్రోత్సహించాలనే ఉద్దేశ్యంతో ప్రభుత్వం ఓ కీలక అడుగు వేసింది. రాష్ట్రంలోని 4,079 స్వయం సహాయక సంఘాలకు (SHGs) రివాల్వింగ్ ఫండ్ గ్రాంట్ కింద రూ. 6.11 కోట్లు విడుదల చేసింది. ప్రతి సంఘానికి రూ. 15,000 చొప్పున ఈ నిధులు అందనున్నాయి. ఈ నిధుల వినియోగాన్ని జిల్లా గ్రామీణాభివృద్ధి అధికారులు (DRDOలు), అలాగే జిల్లా, మండల, గ్రామ సమాఖ్యలు పర్యవేక్షిస్తాయి. మహబూబాబాద్ జిల్లాలో అత్యధికంగా 397 సంఘాలకు నిధులు అందనుండగా.. ఈ ఆర్థిక సహాయం మహిళల ఆర్థిక బలోపేతానికి, వారి జీవన ప్రమాణాలను మెరుగుపరచడానికి తోడ్పడుతుంది.