ఢిల్లీతో పోటీపడుతున్న హైదరాబాద్‌.. నగరంలో ప్రమాదకరస్థాయికి వాయు కాలుష్యం

హైదరాబాద్‌లో వాయు కాలుష్యం తీవ్ర స్థాయికి చేరినట్లు గణాంకాలు వెల్లడిస్తున్నాయి. నగర సగటు AQI 410గా నమోదవగా.. డిఫెన్స్‌ కాలనీలో 685, శేరిలింగంపల్లిలో 666, మణికొండలో 602 స్థాయులు నమోదయ్యాయి. ముఖ్యంగా ఐటీ కారిడార్‌ కాలుష్య హాట్‌స్పాట్‌గా మారుతోంది. పీఎం 2.5, పీఎం 10 స్థాయులు సురక్షిత పరిమితులను మించడంతో శ్వాసకోశ సమస్యలున్నవారు జాగ్రత్తగా ఉండాలని వైద్యులు సూచిస్తున్నారు.