తరగతి గదిలో విద్యార్థులపై కేకలు వేస్తూ.. ఆగిన ఉపాధ్యాయుడి గుండె..! రాయచోటిలో విషాదం

అన్నమయ్య జిల్లా రాయచోటిలో విషాదం చోటు చేసుకుంది. తరగతి గదిలో అల్లరి చేస్తున్న విద్యార్థులపై కేకలు వేస్తూ ఓ ఉపాధ్యాయుడు కుప్పకూలిపోయాడు. వెంటనే స్కూలు సిబ్బంది గమనించి రాయచోటిలోని ఆస్పత్రికి తరలించగా.. అప్పటికే ఉపాధ్యాయుడు చనిపోయినట్లు వైద్యులు వెల్లడించారు. ఈ ఘటన రాయచోటి మండలం కొత్తపల్లి ఉర్దూ హైస్కూల్‌లో చోటుచేసుకుంది. ఈ ఘటనలో ఏజాస్ అహ్మద్ అనే ఉపాధ్యాయుడు చనిపోయారు. అయితే తన భర్త విద్యార్థులు కొట్టడం వలనే చనిపోయారంటూ ఏజాస్ అహ్మద్ భార్య రెహమూన్ పోలీసులకు ఫిర్యాదు చేశారు.