తాడిపత్రి మహిళలే పతివ్రతలా?.. జేసీకి మాధవీలత కౌంటర్

టీడీపీ సీనియర్ నేత జేసీ ప్రభాకర్ రెడ్డి చేసిన వ్యాఖ్యలపై బీజేపీ నేత మాధవీలత స్పందించారు. సినిమాల్లో నటించే వారంతా క్యారెక్టర్ లేనివాళ్లు అనుకోవటం జేసీ మూర్ఖత్వమన్నారు. జేసీ ప్రభాకర్ రెడ్డి వయసుకు గౌరవం ఇస్తా కానీ.. ఆయన అసభ్య భాషకు కాదని అన్నారు. తాను ఎవరికీ భయపడేది లేదన్న మాధవీలత.. ఇలాంటివి వంద కేసులు పెట్టినా వెనక్కి తగ్గేది లేదన్నారు. జేసీ ప్రభాకర్ రెడ్డి కుసంస్కారి.. ఒళ్లంతా విష నాలుకలు కలిగిన వ్యక్తి అంటూ మాధవీలత వీడియో విడుదల చేశారు. ఆయన భాషకు ధన్యవాదాలు తెలియజేస్తున్నానంటూ ఎద్దేవా చేశారు.