తిరుపతి అకోలా ఎక్స్‌ప్రెస్ రైలుకు మొలకలచెరువులో స్టాపింగ్.. దక్షిణ మధ్య రైల్వే నిర్ణయం..

దక్షిణ మధ్య రైల్వే ప్రయాణికుల సౌలభ్యాన్ని దృష్టిలో పెట్టుకుని ముఖ్యమైన నిర్ణయం తీసుకుంది. తిరుపతి అకోలా ఎక్స్‌ప్రెస్ రైలుకు మొలకలచెరువులో స్టాపింగ్ కల్పించింది. మార్చి ఆరో తేదీ నుంచి ఈ నిర్ణయం అమల్లోకి వచ్చింది. ప్రయాణికుల సౌకర్యాన్ని దృష్టిలో పెట్టుకుని తిరుపతి అకోలా తిరుపతి ఎక్స్‌ప్రెస్ రైలుకు మొలకలచెరువులో ఒక నిమిషం పాటు స్టాపింగ్‌కు అవకాశం కల్పిస్తారు. తదుపరి నిర్ణయం తీసుకునే వరకూ స్టాపింగ్ కల్పిస్తున్నట్లు దక్షిణ మధ్య రైల్వే ఓ ప్రకటనలో తెలిపింది.