తిరుమల అన్నప్రసాదం.. భక్తులకు ఇబ్బంది లేకుండా టీటీడీ పాలకమండలి కీలక నిర్ణయం

తిరుమల అన్నప్రసాదం విషయంపై టీటీడీ పాలకమండలి కీలక నిర్ణయం తీసుకుంది. తిరుమలకు భక్తుల రద్దీ రోజురోజుకూ పెరుగుతోంది. అయితే అందుకు అనుగుణంగా అన్నప్రసాదం తయారు చేసేందుకు అన్నప్రసాద తయారీ కేంద్రంలో తగినంతమంది సిబ్బంది లేరు. ఈ నేపథ్యంలో భక్తులకు ఇబ్బందులు కలగకుండా ఉండేందుకు తిరుమల అన్న ప్రసాద తయారీ కేంద్రంలో పనిచేసేందుకు కొత్తగా 258 మంది ఉద్యోగులను కాంట్రాక్టు ప్రాతిపదికన తీసుకోవాలని టీటీడీ పాలకమండలి నిర్ణయించింది.