తిరుమల లడ్డూ నెయ్యి కల్తీ.. ఐదేళ్లలో రూ. 251 కోట్ల స్కామ్.. సిట్ దర్యాప్తులో సంచలనాలు

తిరుమల శ్రీవారి లడ్డూ ప్రసాదంలో కల్తీ నెయ్యి కేసును దర్యాప్తు చేస్తున్న సిట్.. కీలక విషయాలు వెల్లడించింది. వైసీపీ హయాంలో ఐదేళ్ల పాటు.. 68.17 లక్షల కిలోల కల్తీ నెయ్యి టీటీడీకి సరఫరా అయినట్లు సిట్ గుర్తించింది. బోలేబాబా డెయిరీ ఈ నెయ్యిని సరఫరా చేసిందని పేర్కొన్నారు. నకిలీ నెయ్యి తయారీ కోసం పామాయిల్‌తో పలు రసాయనాలు వాడినట్లు సిట్ తేల్చింది. కాగా ఈ కల్తీ నెయ్యి ద్వారా బోలేబాబా డైరెక్టర్లు రూ. 251.53 కోట్లు ఆర్జించినట్లు సిట్ అధికారులు గుర్తించారు.