తిరుమల లడ్డూ వివాదం.. అందుకు మేం సిద్ధం.. టీటీడీకి తెలంగాణ ప్రభుత్వం స్పెషల్ ఆఫర్..!

Tirupati Laddu Controversy: తిరుమల లడ్డూ వివాదం ఇప్పుడు దేశవ్యాప్తంగా సంచలనంగా మారింది. లడ్డూ ప్రసాదం తయారీలో వాడిని నెయ్యి కల్తీ అయ్యిందని.. జంతువుల కొవ్వును వాడారంటూ ఏపీ సీఎం చంద్రబాబు చేసిన ఆరోపణలు.. ఇప్పుడు రెండు తెలుగు రాష్ట్రాల్లోనే కాదు.. దేశవ్యాప్తంగా అగ్గిరాజేస్తున్నాయి. ఈ క్రమంలోనే.. టీటీడీకి తెలంగాణకు సంబంధించిన విజయ డెయిరీ స్పెషల్ ఆఫర్ ఇచ్చింది. తిరుమల శ్రీవారికి స్వచ్ఛమైన, నాణ్యమైన నెయ్యి అందించేందుకు సిద్ధంగా ఉన్నట్టు తెలంగాణ పశుసంవర్ధక శాఖ లేఖ రాసింది.