తిరుమల వెంకన్న కొండ కింద.. గుట్టుచప్పుడు కాకుండా.. ఇదేం పని!

తిరుపతిలో ఎక్సైజ్ పోలీసులు భారీగా నకిలీ మద్యాన్ని స్వాధీనం చేసుకున్నారు. రైల్వేకోడూరులో దొరికిన నకిలీ మద్యంపై దర్యాప్తు జరిపిన పోలీసులకు తిరుపతిలో లింక్ దొరికింది. దీంతో తిరుపతి చుట్టుపక్కల ప్రాంతాల్లో పోలీసులు, ఎక్సైజ్ శాఖ అధికారులు సోదాలు నిర్వహించారు. ఈ సోదాల్లో తిరుపతిలోని దామినేడు ఎన్టీఆర్ కాలనీలో భారీగా మద్యం దొరికింది. 23 క్యాన్లలో ఉంచిన 800 లీటర్లకుపైగా మద్యం, భారీగా ఖాళీ బాటిళ్లు స్వాధీనం చేసుకున్నారు. దీని వెనుక ఉన్న అసలు సూత్రధారి వెంకటరమణ కోసం గాలిస్తున్నట్లు పోలీసులు తెలిపారు.