తిరుమల శ్రీవారి భక్తులకు గుడ్‌న్యూస్.. వైకుంఠ ద్వార దర్శన టికెట్లు ఉచితంగా.. భారీ ఏర్పాట్లు

Tirumala Vaikunta Dwara Darshan SSD Tokens Counters: తిరుమల శ్రీవారి వైకుంఠ ద్వార దర్శనానికి సంబంధించి.. సామాన్య భ‌క్తుల సౌక‌ర్యార్థం వైకుఠ ఏకాద‌శికి తిరుప‌తి, తిరుమ‌లలోని 91 కౌంటర్ల ద్వారా టోకెన్లు జారీ చేయనుంది టీటీడీ. ఈ మేరకు ఏర్పాట్లు వేగవంతం చేశారు. కౌంటర్లు ఏర్పాటు చేస్తున్న ప్రాంతాల్లో భక్తులకు ప్రత్యేకంగా క్యూలైన్లు, బారీకేడ్లు, తాగునీరు, మరుగుదొడ్లు తదితర సదుపాయాలు కల్పిస్తోంది టీటీడీ. జనవరి 10, 11, 12 తేదీలకు సంబంధించి మొదటి మూడు రోజులకు జనవరి 9వ తేదీన ఉదయం 5 గం.ల నుంచి 1.20 లక్షల టోకెన్లు జారీ చేస్తారు. తదుపరి రోజులకు (13 నుండి 19వ తేదీ వరకు) ఏ రోజుకారోజు ముందు రోజు భూదేవి కాంప్లెక్స్‌, శ్రీనివాసం, విష్ణు నివాసంలలో టోకెన్లు ఇస్తారు.