తిరుమల శ్రీవారి భక్తులకు శుభవార్త.. దర్శనంపై టీటీడీ ఛైర్మన్‌కు చంద్రబాబు కీలక ఆదేశాలు

TTD Chairman Meet Chandrababu Naidu: తిరుమలలో భక్తులు గంటల కొద్దీ శ్రీవారి దర్శనం కోసం క్యూలైన్‌లో, వైకుంఠం కాంప్లెక్స్‌లో వేచి ఉండకూడదని ముఖ్యమంత్రి చంద్రబాబు అన్నారు. ఈ మేరకు చంద్రబాబును టీటీడీ ఛైర్మన్ బీఆర్ నాయుడు కలిశారు. ఈ సందర్భంగా టీటీడీ ఛైర్మన్‌కు చంద్రబాబు కొన్ని సూచనలు చేశారు. భక్తులకు సత్వరం దర్శనం అయ్యేలా చూడాలన్నారు. తిరుమల శ్రీవారి ఆలయంలో దర్శనాలకు తెలంగాణ రాష్ట్ర ప్రజా ప్రతినిధుల సిఫారసు లేఖలను అనుమతిస్తూ నిర్ణయం తీసుకున్న సంగతి తెలిసిందే.