తిరుమల శ్రీవారికి తమిళనాడు సంస్థల భారీ విరాళం.. కళ్లు చెదిరే మొత్తం.. ఎంతంటే?

టీటీడీకి మరో భారీ విరాళం అందింది. టీటీడీ ప్రాణదాన ట్రస్టుకు తమిళనాడు సంస్థలు 81 లక్షలు విరాళంగా అందించాయి. చెన్నైకు చెందిన యాక్సెస్ హెల్త్ కేర్, అలాగే వర ఫ్యూచర్ ఎల్ఎల్పీ అనే సంస్థలు ఈ విరాళం అందించాయి. యాక్సెస్ హెల్త్ కేర్ 70 లక్షల రూపాయలు విరాళంగా అందించగా.. వర ఫ్యూచర్ ఎల్ఎల్పీ 11 లక్షలు విరాళంగా అందజేసింది. టీటీడీ అదనపు ఈవో వెంకయ్య చౌదరిని కలిసి విరాళానికి సంబంధించిన చెక్కులను దాతలు అందించారు. ఈ సందర్భంగా వారిని టీటీడీ ఏఈవో అభినందించారు.