తిరుమలను కేంద్రపాలిత ప్రాంతం చేయాలి.. కేఏ పాల్ పిటిషన్‌పై సుప్రీంకోర్టు కీలక వ్యాఖ్యలు

ప్రజాశాంతి పార్టీ అధ్యక్షుడు కేఏ పాల్‌కు సుప్రీంకోర్టు షాకిచ్చింది. తిరుమల లడ్డూ వివాదంపై కేఏ పాల్ వేసిన ప్రజా ప్రయోజన వ్యాజ్యాన్ని సుప్రీంకోర్టు ధర్మాసనం కొట్టివేసింది. తిరుమలను కేంద్రపాలిత ప్రాంతం చేయాలంటూ కేఏ పాల్ గతంలో పిటిషన్ వేశారు. ఈ పిటిషన్ పరిశీలించిన సుప్రీంకోర్టు.. మనదేశంలో ఎన్నో ఆలయాలు ఉన్నాయని.. అన్నింటినీ ప్రత్యేక రాష్ట్రాలు చేయలేమని స్పష్టం చేసింది. అనంతరం పిటిషన్ కొట్టివేస్తున్నట్లు ప్రకటించింది. దీనిపై స్పందించిన కేఏ పాల్.. రివ్యూ పిటిషన్ వేస్తానని చెప్పారు.