తిరుమలలో నయా మోసం.. ఐడీ కార్డులు పెట్టుకుని మరీ.. ఇలాంటోళ్లతో బీకేర్ ఫుల్

తిరుమల శ్రీవారి సన్నిధిలో మరో మోసం వెలుగుచూసింది. టీటీడీ సూపరింటెండెంట్ అనే పేరుతో ఓ దళారి భక్తులను మోసగించిన వైనం వెలుగుచూసింది. నకిలీ ఐడీ కార్డు సృష్టించుకున్న దళారి కృష్ణ చైతన్య.. ఖమ్మం ప్రాంతానికి చెందిన భక్తులను మోసం చేశాడు. శ్రీవారి అభిషేకం టికెట్లు ఇప్పిస్తానని చెప్పి వారి వద్ద నుంచి రూ.1.10 లక్షలు వసూలు చేశాడు. ఆ తర్వాత వారిని నమ్మించేందుకు ఫేక్ మెసేజులు పంపించాడు. అయితే ఇవి ఫేక్ మెసేజ్‌లు అని గుర్తించిన బాధితులు.. టీటీడీకి ఫిర్యాదు చేశారు. దళారి కృష్ణచైతన్యపై గతంలోనూ కేసులు నమోదయ్యాయి.