తిరుమలలో బంగారు రథం ట్రయల్ రన్.. ఎందుకంటే!

Tirumala Golden Ratham Trail Run: తిరుమల బ్రహ్మోత్సవాల్లో వినియోగించే స్వర్ణరథం, మహారథం పనితీరును టీటీడీ ప్రయోగాత్మకంగా పరిశీలించింది. వచ్చేనెల 9న స్వర్ణరథం.. 11న మహారథం (చెక్కతేరు)లో ఉత్సవర్లను ఊరేగించనున్నారు. ఈ క్రమంలో వీటిని మాడవీధుల్లో భక్తులు, ఉద్యోగులతో లాగించారు. రెండు రథాలు సవ్యంగానే ముందుకు సాగాయి. గుర్తించిన చిన్నపాటి లోటుపాట్లను సవరించారు. ప్రతి ఏటా తిరుమలలో శ్రీవారి బ్రహ్మోత్సవాల సమయంలో రథాలకు ఇలా ట్రయల్ రన్ నిర్వహించడం ఆనవాయితీగా వస్తోంది.