తిరుమలలో వైకుంఠ ఏకాదశి.. సామాన్య భక్తులకు సులభంగా ద్వార దర్శనం.. టీటీడీ కీలక చర్యలు

తిరుమలలో వైకుంఠ ఏకాదశి పర్వదినం కోసం ఘనంగా ఏర్పాట్లు జరుగుతున్నాయి. వైకుంఠ ఏకాదశి సందర్భంగా పదిరోజుల పాటు వైకుంఠ ద్వార దర్శనాలు కల్పించనున్నారు. జనవరి 10 నుంచి తిరుమలలో వైకుంఠ ద్వార దర్శనాలు కల్పించనున్నారు. ఈ నేపథ్యంలో సామాన్య భక్తులకు సులభంగా వైకుంఠ ద్వార దర్శనాలు కల్పించేలా టీటీడీ చర్యలు తీసుకుంటోంది. వైకుంఠ ఏకాదశి ఏర్పాట్లపై టీటీడీ ఈవో శ్యామలరావు శుక్రవారం సమీక్ష సమావేశం నిర్వహించారు. ఈ సందర్భంగా అధికారులకు కీలక సూచనలు చేశారు.